Don't miss

മായം കലർന്ന കാപ്പിയും ചായയും തിരിച്ചറിയാം

By on January 30, 2018

ചായയും കോഫ‍ിയും നമ്മുടെ ദിനചര്യയുടെ ഭാഗമാണ്. ദിവസവും കുടിക്കുന്നതിനാൽ ഈ പാനീയങ്ങളിലെ കലർപ്പും നിറവും ആരോഗ്യത്തെ ഗൗരവമായിതന്ന ബാധിക്കും. അവയിൽ മായം വരുന്ന രീതികൾ തിരിച്ചറിയാം. 

തേയിലയിൽ കൃത്രിമ നിറങ്ങൾ ചേർത്താൽ: അല്പം തേയില ഒരു ഗ്ലാസ്സിലെ വെള്ളത്തിലേക്കിട്ടാൽ കൃത്രിമ നിറങ്ങൾ ചേർത്തിട്ടുണ്ടെങ്കിൽ നിറങ്ങൾ ഇളകി വരുന്നതായി കാണാം. 

തേയിലയിൽ കോൾടാർ ചേർത്താൽ: ഒരു ഫിൽട്ടർ പേപ്പറിൽ അൽപം തേയിലപ്പെ‍ാടി വിതറുക തുടർന്ന് അതിനു മുകളിലേക്ക് വെള്ളം സ്പ്രേ ചെയ്യുക. േപപ്പർ കുതിർന്നു കഴിഞ്ഞാൽ ഉടനേ ടാപ് വെള്ളത്തിൽ കാണ‍ിച്ച് തേയില കഴുകിക്കളയുക. തേയിലയിൽ നിറത്തിനായി കോൾടാർ കലർത്തിയിട്ടുണ്ടെങ്കിൽ അത് ഉടൻ‌ തന്നെ പേപ്പറിൽ കറയുണ്ടാക്കിയതു കാണാനാകും ശുദ്ധമായ നിറം ചേർക്കാത്ത തേയിലയാണെങ്കിൽ പേപ്പറിൽ‌ കറ കാണ‍ില്ല. 

cofee 2-1

തേയിലയിൽ കോൾടാർ പോലുള്ളവ നിറത്തിനായി ചേർത്താൽ അറിയാൻ മറ്റൊരു മാർഗവുമുണ്ട്. അൽപം ചുണ്ണാമ്പ് കുഴച്ച് ഒരു സ്ഫടിക പാത്രത്തിൽ തേച്ചു പിടിപ്പിക്കുക. തുടർന്ന് അൽപം തേയില അതിലേക്ക് വിതറുക. തുടർന്ന് ചുവപ്പ്, ഒാറഞ്ച് അവയോടടുത്ത മറ്റ് നിറങ്ങൾ ചുണ്ണാമ്പുവെണ്മയിൽ പടരുന്നതുകണ്ടാൽ കോൾടാറോ മറ്റു നിറങ്ങളോ നിറത്തിനായി ചേർത്തിട്ടുണ്ട‍െന്ന് മനസ്സിലാക്കാം. 

cofee 2

കോഫിയിലെ ചിക്കറി: കാപ്പിപ്പൊട‍‍ിയിൽ വളരെ സ‍ാധാരണമായി ചേർക്കുന്ന ഒന്നാണ് ചിക്കറി. ഗ്ലാസിൽ വെള്ളമെടുത്ത് ഉപരിതലത്തിലേക്ക് കാപ്പിപ്പൊടി വിതറിയാൽ നിൽക്കും. അതിൽ ചിക്കറിയുണ്ടെങ്കിൽ ന‍ിമിഷങ്ങൾക്കകം അതു താഴേക്ക് പതിക്കുന്നതും കാണാം. മിക്കപ്പോഴും ചിക്കറി പെട്ടന്ന് തിരിച്ചറിയ‍ാതിരിക്കുന്നതിനായി അതിൽ കാരമൽ നിറം ചേർത്ത ചിക്കറി തരികൾ വെള്ളത്തിൽ താഴുമ്പോൾ വെള്ളത്തിൽ തവിട്ട് വരകൾ വീഴുന്നതും കാണം.  

Image courtesy : springhillcheese.com , rhinodoughnuts.com , sawadacoffee.com 

Leave a Reply

Your email address will not be published. Required fields are marked *