പ്രമേഹം കുറയ്ക്കാൻ ബാർലി

By on May 19, 2016

രക്തത്തിലെ പഞ്ചസാരയുടെ അളവ് കുറച്ച് പ്രമേഹത്തെ

പ്രതിരോധിക്കാൻ ബാർലിക്കു സാധിക്കുമെന്നു പുതിയ കണ്ടെത്തൽ. ലണ്ട് യൂണിവേഴ്സിറ്റിയിൽ നടന്ന പഠനത്തിൽ കണ്ടെത്തിയത് ബാർലിയിലുള്ള ഡയറ്ററി ഫൈബറുകളുടെ പ്രത്യേക മിശ്രിതം വിശപ്പിനെ കുറയ്ക്കുകയും ഹൃദയസംബന്ധമായ രോഗങ്ങളെ പ്രതിരോധിക്കുകയും ചെയ്യുമെന്നാണ്.

ബാർലിക്ക് പ്രമേഹത്തിനെതിരെ പ്രവർത്തിക്കാനുള്ള കഴിവ് മനസിലാക്കാനായി ഗവേഷകർ തിരഞ്ഞെടുത്തത് മധ്യവയസ്കരായവരെയായിരുന്നു. ബാർലി ' ഉപയോഗിച്ചു തയ്യാറാക്കിയ ബ്രഡ് ധാരാളം കഴിക്കാൻ അവരോട് ആവശ്യപെട്ടു. മൂന്നു ദിവസത്തേക്ക് അവരുടെ ഭക്ഷണക്രമത്തിൽ ബാർലി ഉൾപെടുത്തി. ശേഷം അവരുടെ ഷുഗർ ലെവലും ഹൃദ്രോഗ സാദ്ധ്യതയും പരിശോധിച്ചു.

പങ്കെടുത്ത വ്യക്തികളുടെ ശരീരത്തിന്റ ഉപാപചയ നിരക്ക് മെച്ചപെട്ടന്നും ഒപ്പം അവരിലെ ഇൻസുലിൻ ലെവൽ ഉയർന്നെന്നും കണ്ടെത്തി. അതുകൊണ്ടു തന്നെ വിശപ്പ് നിയന്ത്രണ വിധേയമാക്കാനും കഴിഞ്ഞു. നമ്മുടെ നിത്യേനയുള്ള ഭക്ഷണത്തിൽ ബാർലി ഉൾപെടുത്താൻ ശ്രമിക്കണമെന്നും ആനി നിൽസൺ അഭിപ്രായപെട്ടു.

barli

രക്തത്തിലെ പഞ്ചസാരയുടെ അളവ് ക്രമീകരിച്ചു നിർത്തുന്നതിനായി ബാർലി വിഭവങ്ങൾ ഭക്ഷണത്തിൽ ഉൾപെടുത്താനും ഇവർ നിർദേശിക്കുന്നു. ബ്രിട്ടീഷ് ജേണൽ ഓഫ് ന്യൂട്രീഷനിൽ ഇതു സംബന്ധിച്ച പഠനം പ്രസിദ്ധീകരിച്ചിട്ടുണ്ട്. 
 

Leave a Reply

Your email address will not be published. Required fields are marked *