അമിതഭാരം കുറച്ചാൽ പ്രമേഹവും കുറയും

മധ്യവയസിനു മുൻപ് അമിതഭാരം കുറയ്ക്കാൻ

കഴിഞ്ഞാൽ ഭാവിയിൽ പ്രമേഹ സംബന്ധമായ പ്രശ്നങ്ങൾ ഒഴിവാക്കാമെന്ന് പഠനങ്ങൾ. ലണ്ടൻ, സെന്റ് ജോർജ് യൂണിവേഴ്സിറ്റിയിലെ ഗവേഷകരാണ് ഈ കണ്ടെത്തലിന് പിന്നിൽ.

അമിതഭാരം മൂലം ഭാവിയിൽ ഉണ്ടായേക്കാവുന്ന മൂന്ന് പ്രധാന പ്രശ്നങ്ങളായ ഹാർട്ട് അറ്റാക്ക്, സ്ട്രോക്ക്, പ്രമേഹം എന്നിവ ഒഴിവാക്കാനുള്ള മാർഗങ്ങളെ കുറിച്ചായിരുന്നു പഠനം. 40നും 59 വയസ്സിനുമിടയിലുള്ള 7735 ആളുകളാണ് പഠനവിധേയരായത്. ഇവരുടെ ബോഡി മാസ് ഇൻഡക്സ് പരിശോധിച്ചായിരുന്നു പഠനം. ഇവർക്ക് 21 വയസ്സുള്ളപോൾ ഉണ്ടായിരുന്ന ശരീരഭാരവും മറ്റു വിവരങ്ങളും ശേഖരിച്ച് നിലവിലുള്ള ശാരീരികാവസ്ഥയുമായി താരതമ്യം ചെയ്തായിരുന്നു പഠനം. 21 വയസ്സിൽ അമിതഭാരം ഉണ്ടായിരുന്നവർക്ക് പിൽക്കാലത്ത് പ്രമേഹമുണ്ടായതായി പഠനങ്ങളിൽ നിന്ന് ബോദ്ധ്യപെട്ടു. അതേസമയം അമിതഭാരം മൂലം ഹൃദയാഘാതമോ, പക്ഷാഘാതമോ ഉണ്ടായതായി പറയുന്നില്ല.

യൗവ്വനത്തിൽ കൊഴുപ്പു കൂടുന്നത് മദ്ധ്യവയസിൽ പ്രമേഹ സാധ്യത വർധിപ്പിക്കും. ടൈപ്പ് 2 പ്രമേഹത്തെ പ്രതിരോധിക്കാൻ ഈ കണ്ടെത്തൽ സഹായകരമാണെന്ന് പഠനത്തിന് നേതൃത്വം നൽകിയ പ്രൊഫസർ ക്രിസ്റ്റഫർ ഓവൻ പറയുന്നു. ബി.എം.ജെ ഓപ്പൺ എന്ന ജേണലിലാണ് ഇതു സംബന്ധിച്ച വിവരങ്ങൾ പ്രസിദ്ധീകരിച്ചിട്ടുള്ളത്.

Related Posts

• 

  സ്തനാർബുദ സാധ്യത കുറയ്ക്കാൻ തൈര്
  സ്തനാർബുദ സാധ്യത കുറയ്ക്കാൻ തൈര്
• 

  ചൂട് കാപ്പി കുടിക്കുന്നതിനു മുമ്പ് 4 മിനിട്ട് ശ്രദ്ധിക്കൂ.
  ചൂട് കാപ്പി കുടിക്കുന്നതിനു മുമ്പ് 4 മിനിട്ട് ശ്രദ്ധിക്കൂ.
• 

  മായം കലർന്ന കാപ്പിയും ചായയും തിരിച്ചറിയാം
  മായം കലർന്ന കാപ്പിയും ചായയും തിരിച്ചറിയാം
• 

  തണുത്ത വെളളം കുടിക്കുന്നതിനു മുന്‍പ് ഒന്നു ശ്രദ്ധിക്കുക
  തണുത്ത വെളളം കുടിക്കുന്നതിനു മുന്‍പ് ഒന്നു ശ്രദ്ധിക്കുക